اسلام آباد۔24دسمبر(اے پی پی)وفاقی وزیر برائے نجکاری، سرمایہ کاری بورڈ اتے مواصلات عبدالعلیم خان آکھیے جو اداریاں دی نجکاری دا مقصد ملکی خزانے تے مستقل ٻھار ڳھٹاوݨ اے، نجکاری دا عمل قوانین و ضوابط دے مطابق کیتا ویسی۔ اسلام آباد اچ پرائیویٹائزیشن کمیشن بورڈ دے اجلاس دی صدارت کریندے انہاں آکھیا جو پی آئی اے دی نجکاری بہتر اتے مختلف حکمت عملی دے تحت کیسی ویسی، اڄوکیاں اصلاحات دے بعد پی آئی اے دی نجکاری دا عمل ودھ سوکھا اتے تیز کر ݙتا ڳئے۔ اجلاس اچ وفاقی وزیر نجکاری دے منصوبیاں تے شفافیت اتے تیزی نال کم کرݨ دی ہدایت کیتی۔ اجلاس اچ پرائیویٹائزیشن کمیشن بورڈ دے پچھلے اجلاس دی کارروائی دی منظوری ݙتی گئی اتے مختلف اداریاں دی نجکاری سانڳے مزید سفارشات پیش کیتاں گئن۔ وفاقی وزیر عبدالعلیم خان ڈسکوز دی نجکاری کیتے وزارت توانائی توں ہک ہفتے اچ ضروری امور مکاوݨ دی ہدایت کیتی۔
