کیپ ٹائون۔2 جنوری(اے پی پی)جنوبی افریقا اتے پاکستان دیاں کرکٹ ٹیماں وچال ݙو ٹیسٹ میچاں دی سیریز دا ݙوڄھا اتے چھیکڑی ٹیسٹ میچ 3 توں 7 جنوری تئیں نیولینڈز، کیپ ٹائون اچ کھیݙیا ویسی۔ پروٹیز ٹیم کوں پاکستان دے خلاف ݙو میچاں دی سیریز اچ 0-1 دی برتری اے۔ میزبان پروٹیز ٹیم گرین شرٹس کوں پہلے ٹیست میچ اچ 2 وکٹاں توں ہرایا ہا۔ ایں توں پہلے ݙوہیں ٹیماں ٹی ٹوئنٹی اتے ون ڈے سیریز وی کھیݙن۔ ٹی ٹوئنٹی سیریز جنوبی افریقہ اتے ون ڈے سیریز پاکستان کلین سویپ کر تے جیتی ہئی۔ ٹیسٹ سیریز اچ پاکستان ٹیم دی قیادت شان مسعود اتے میزبان ٹیم دی قیادت ٹیمبا بووما کریندے پن۔
