اسلام آباد۔5جنوری(اے پی پی)ہوا بازی دی صنعت کیتے چنڳی خبر اے جو سعودیہ دی ہک ٻئی ایئرلائنز فروری توں پاکستان اچ پروازاں شروع کریسی۔ ݙسایا ڳئے جو اے پروازاں 2 فروری توں شروع تھیسن۔ پہلی پرواز ریاض توں کراچی پڄسی۔ اے پروازاں کراچی، ریاض اتے جدہ کیتے آپریٹ کیتاں ویسن۔ فلائی عدیل ایئر دی پہلی پرواز کراچی پڄݨ تے طیارے کوں ایئرپورٹ اتھارٹی ولوں پاݨی دی سلامی ݙتی ویسی۔ سول ایوی ایشن (سی اے اے) فلائی عدیل کوں پاکستان کیتے فضائی آپریشن دی اجازت پہلے ہی ݙے چکی اے۔ سعودی عرب دی نویں ایئرلائن دے پاکستان آوݨ نال مسافراں کوں براہ راست سفری سہولت ملسی۔
