سرینگر۔6جنوری (اے پی پی) غیرقانونی طور بھارت دے قبضہ جموں تے کشمیر اچ ساہ گھٹیڄݨ پاروں ہکے ٹٻر دے پنڄ بندے جاں بحق تھی ڳئے۔ کشمیر میڈیا سروس موجب اے ٹبر جیڑھا جو اصل اچ بارہمولہ دے علاقے گنگل اوڑی دا رہݨ آلا ہئی، گزریل ترائے مہینے توں سرینگر دے علاقے شیخ محلہ پاندریٹھن اچ کرائے دے مکان اچ رہندا پئیا ہئی۔ متاثرین اچ ٹبر دا سربراہ اعجاز احمد بٹ،انہاں دی ذال اتے انہاں دے ترائے ٻال شامل ہن۔ پولیس حکام ݙسیا جو پورے ٹٻر کوں انہاں دے کمرے اچ بے ہوش پاتا ڳئیا، انہاں کوں ہسپتال چاتے ڳئے تاں ڈاکٹراں انہاں کوں مردہ قرار ݙے ݙتا۔ ابتدائی تحقیقات توں پتہ لڳیے جو شدید ٹھڈ پاروں کمرے کوں گرم رکھݨ کیتے استعمال تھیوݨ آلا الیکٹرک بلور کمرے اچ آکسیجن دی ڳھٹکی دا باعث ٻݨٰیا۔
