اسلام آباد۔6جنوری (اے پی پی) وفاقی وزیر برائے خزانہ تے محصولات سینیٹر محمد اورنگزیب نال پاپولیشن کونسل دے صدر ڈاکٹر رانا حاجیہ دی قیادت اچ ہک وفد ملاقات کیتی۔ ملاقات اچ پاپولیشن کونسل دی کنٹری ڈائریکٹر ڈاکٹر زیبا ستار اتے وزارت خزانہ دے سینئر افسروی شریک تھیے۔ ملاقات اچ آبادی اچ ودھارے، آبادیاتی تبدیلیاں اتے انہاں دے پاکستان دی ترقی تے معیشت تے اثرات تے ڳالھ کیتی ڳئی۔ وفاقی وزیر محمد اورنگزیب آبادی اچ ودھارے دے پاکستان دے ترقیاتی اہداف تے پووݨ آلے چیلنجنز تے روشنی پاتی۔ انہاں زور ݙتا جو آبادی دے رجحانات کوں سمجھݨ اتے انہاں نال نبڑݨ کیتے طویل المدتی، پائیدار اتے شواہد تے مبنی حکمت عملی دی لوڑھ اے۔ ڈاکٹر رانا حاجیہ اتے ڈاکٹر زیبا ستار پاپولیشن کونسل دی اڄوکی تحقیق اتے اقدامات دا ݙسیا۔
