اسلام آباد۔7جنوری(اے پی پی)وفاقی وزیر تجارت جام کمال خان 3 ݙینھ دے سرکاری دورے تے جنوبی کوریا پڄ ڳن جتھاں انہاں دا استقبال پاکستانی سفارتخانے، ٹی آئی او اتے پاکستان بزنس ایسوسی ایشن کوریا اتے ٻئے حکام کیتن۔ وفاقی وزیر تجارت اپݨے دورے اچ پاکستان اتے کوریا وچال اقتصادی شراکت داری معاہدے تے دستخط کریسن جیندے نال ݙو طرفہ تجارتی حجم ݙوڑا کرݨ دی امید اے۔ او کورین وزیر تجارت اتے اہم سرمایہ کاراں نال ملسن اتے کوریا دیاں صنعتی کمپنیاں کوں پاکستان اچ سرمایہ کاری دی دعوت وی ݙتی ویسی۔ کورین بینک کے-ایگزم نال مالی تعاون تے ڳالھ مہاڑ کیتی ویسی۔ جام کمال خان کوریا اچ پاکستانی مزدوراں، تاجراں اتے کمیونٹی نال وی ملسن۔
