اسلام آباد۔7جنوری(اے پی پی) قومی کرکٹ ٹیم دے اوپننگ بلے باز صائم ایوب علاج کیتے کیپ ٹاؤن توں لندن پڄ ڳن۔ اسسٹنٹ کوچ اظہر محمود وی صائم ایوب دے نال ہین۔ چیئرمین پاکستان کرکٹ بورڈ محسن نقوی دی ہدایت تے انگلینڈ دے ماہر اسپورٹس آرتھو ڈاکٹرز صبحائیں صائم ایوب دا چیک اپ کریسن۔ محسن نقوی آکھیا جو صائم ایوب پاکستان کرکٹ دا قیمتی اثاثہ ہین، انہاں دے علاج معالجے کیتے سارے وسائل ݙتے ویسن، صائم ایوب دی مکمل صحت یابی کیتے دعا گو ہاں۔
پاکستان دے اوپنر صائم ایوب ڳوݙے اچ فریکچر پاروں 6 ہفتے تک کرکٹ توں ٻاھرو تھی ڳن۔ او جنوبی افریقا دے خلاف ݙوڄھے ٹیسٹ میچ اچ فیلڈنگ کریندے زخمی تھئے ہن۔
