پاکستان بمقابلہ ویسٹ انڈیز ٹیسٹ سیریز، ٹکٹاں جمعہ توں وکݨ شروع تھیسن
ملتان۔ 09 جنوری(اے پی پی)پاکستان اتے ویسٹ انڈیز دیاں ٹیماں وچال ݙو ٹیسٹ میچاں دی سیریز دے ٹکٹ جمعہ توں ملتان اچ نجی کوریئر کمپنی دے 11 سینٹراں تے وکݨ شروع تھیسن۔ اے ٹیسٹ میچ 17 توں 29 جنوری تئیں ملتان کرکٹ اسٹیڈیم اچ کھیݙیے ویسن۔
ٹیسٹ میچاں اچ فرسٹ کلاس (وسیم اکرم اتے الٰہی برادران) اتے جنرل (حنیف محمد اتے مشتاق احمد) انکلوژرز اچ شائقین دا داخلہ مفت ہوسی۔ ٹیسٹ میچاں کیتے پی سی بی گیلری (انضمام الحق) دے ٹکٹ صرف 500 روپے اچ ملسن۔ وی آئی پی انکلوژرز دے ٹکٹاں دی قیمت 150 روپے ہوسی جیندے اچ فضل محمود اتے عمران خان اسٹینڈز شامل ہین۔ میچاں کیتے پریمیم انکلوژرز (جاوید میانداد اتے ظہیر عباس) دے ٹکٹاں دی قیمت 100 روپے ہوسی۔ انہاں ٹیسٹ میچاں دے ٹکٹ شہر اولیاء اچ ٹی سی ای ایریا آفس، قذافی چوک، گلگشت، مال روڈ، گلشن مارکیٹ، بوسن روڈ واپڈا ٹاؤن، ممتاز آباد، چونگی نمبر 1، گارڈن ٹاؤن اتے چوک رشید آباد سنٹراں تے ڳھدے ونڄ سڳسن۔
