اسلام آباد۔11جنوری (اے پی پی) وفاقی وزیر خزانہ سینیٹر محمد اورنگزیب 18ویں ایشین فنانشل فورم اچ شرکت کیتے ہانگ کانگ روانہ تھی ڳئے۔ وزارت خزانہ توں جاری بیان موجب وزیرخزانہ آپݨے دورے اچ اہم ایشیائی مالیاتی اداریاں دے سربراہان اتے اعلیٰ حکام نال ملاقاتاں کریسن۔ وزیر خزانہ ایشیائی مالیاتی فورم توں خطاب اچ ملک دے معاشی منظر نامے کوں نشابر کریسن۔ وزیر خزانہ دورہ آچ مقامی تے چینی حکام، فنانشل سیکٹر دے ماہرین، پروفیشنلز ، سرمایہ کاراں اتے کاروباری شخصیات نال ملاقاتاں کریسن۔ وزیر خزانہ چائنا انٹرنیشنل کیپیٹل کارپوریشن لمیٹڈ ،چائنا نیو انرجی سکائیرل لمیٹڈ اتے ایشین انفراسٹرکچر انویسٹمنٹ بنک دے سربراہان نال وی ملسن۔
