اسلام آباد۔15جنوری(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو حکومت پائیدار اقتصادی ترقی کیتے مالی شمولیت کوں تیزی نال ودھاوݨ چاہندی اے۔ انہاں اے ڳالھ پاکستان مائیکروفنانس انویسٹمنٹ کمپنی (پی ایم آئی سی) دی قیادت نال ملݨ ویلھے آکھی۔ پی ایم آئی سی وفد دی قیادت چیئرمین نوید اے خان کیتی۔ وفد اچ سی ای او پی ایم آئی سی یاسر اشفاق، سی ای او کارانداز پاکستان وقاص الحسن اتے ہیڈ آف پورٹ فولیو اینڈ سیکٹر ڈویلپمنٹ ثاقب صدیقی وی شامل ہن۔ پی ایم آئی سی مائیکروفنانس ادارے دے طور تے پاکستان اچ مالی شمولیت ودھاوݨ تے کم کریندی پئی اے، پی ایم آئی سی دی ٹیم چھوٹے قرضیاں (مائیکروفنانس) دے منظرنامے دا تفصیلی جائزہ پیش کیتے۔ ملاقات اچ مائیکروفنانس اداریاں (ایم ایف آئیز) اتے مائیکروفنانس بینکاں (ایم ایف بیز) وچال تقابلی تجزیہ، دوہرے ریگولیٹری فریم ورک نال ایم ایف آئیز اتے ایم ایف بیز دے مختلف ضوابط نال نظام دی پیچیدگی، فنڈنگ تئیں محدود رسائی، رسائی ودھاوݨ کیتے لیکویڈیٹی دی لوڑھ، ادارہ جاتی صلاحیت دی کمی اتے این ایف آئی ایس ہدف دی فعال نگرانی دے چیلنجاں تے الایا ڳیا۔ ملاقات اچ دیہی اتے نظر انداز کیتاں ڳیاں آبادیاں کیتے مالی خدمات تئیں رسائی ودھاوݨ کیتے این ایف آئی ایس دے اہداف دے مطابق کم کرݨ دا عزم دوہرایا ڳئے۔
