پاکستان دی سوڈان اچ سعودی ہسپتال تے حملے دی مذمت

اسلام آباد۔27جنوری(اے پی پی)پاکستان سوڈان دے شہر الفریش اچ سعودی ہسپتال تے حملے دی شدید مذمت کیتی اے۔ ترجمان دفتر خارجہ آکھیے جو اے حملہ جیندے اچ مبینہ طور تے ستر لوک فوت تھئین، بین الاقوامی قانون دی واضح خلاف ورزی اے، پاکستان متاثرین اتے انہاں دے تٻراں نال ہمدردی کریندے، اے حملہ صحت دی ݙیکھ بھال دی سہولیات دے تقدس کوں برقرار رکھݨ اتے بین الاقوامی انسانی قانون دے اصولاں تے چلݨ دی فوری لوڑھ تے زور ݙیندے۔ انہاں آکھیا جو پاکستان سمڄھدے جو تنازعات کوں مذاکرات اتے سفارت کاری نال ہی حل کیتا ونڄ سڳدے۔ ترجمان موجب اساں سوڈان دے اتحاد، خودمختاری اتے علاقائی سالمیت کیتے اپݨی مکمل حمایت کریندے۔