اسلام آباد۔27جنوری(اے پی پی)وزیراعظم محمد شہباز شریف انسانی سمگلنگ روکݨ کیتے قانونی فریم ورک ٻیا تکڑا کرݨ اتے فیڈرل پراسیکیوشن ایکٹ 2023 تے عمل درآمد تیکھا کرݨ دی ہدایت کریندے آکھیے جو انسانی سمگلراں دی گرفتاری اتے استغاثہ کیتے ضروری عملہ دا حصول تیز کیتا ونڄے۔ او اسلام آباد اچ انسانی سمگلنگ روکݨ کیتے ٻݨائے ڳئے ٹاسک فورس دے پہلے اجلاس دی اڳواݨی کریندے پئے ہن۔ وزیر اعظݨ ہدایت کیتی …
وزیراعظم دی انسانی سمگلنگ روکݨ کیتے قانونی فریم ورک تکڑا کرݨ دی ہدایت
مزید خبراں
اسلام آباد۔27جنوری(اے پی پی)وزیراعظم محمد شہباز شریف انسانی سمگلنگ روکݨ کیتے قانونی فریم ورک ٻیا تکڑا کرݨ اتے فیڈرل پراسیکیوشن ایکٹ 2023 تے عمل درآمد تیکھا کرݨ دی ہدایت کریندے آکھیے جو انسانی سمگلراں دی گرفتاری اتے استغاثہ کیتے ضروری عملہ دا حصول تیز کیتا ونڄے۔ او اسلام آباد اچ انسانی سمگلنگ روکݨ کیتے ٻݨائے ڳئے ٹاسک فورس دے پہلے اجلاس دی اڳواݨی کریندے پئے ہن۔ وزیر اعظݨ ہدایت کیتی جو انسانی سمگلنگ روکݨ کیتے قانونی فریم ورک تکڑا کیتا ونڄے اتے ایں سانڳے وزارت داخلہ وزارتِ قانون و انصاف کٹھے کم کرن۔ وزیر اعظم فیڈرل پراسیکیوشن ایکٹ 2023 تے عمل درآمد اچ تیزی اتے ایف آئی اے کوں بیرون ملک انسانی سمگلراں دی تیکھے حوالگی کیتے دفتر خارجہ کوں تحقیقات اچ ہتھ ونݙاوݨ دی ہدایت کیتی اتے آکھیا جو انسانی سمگلنگ اچ ملوث اشتہاری مجرماں دے ریڈ وارنٹ جاری کیتے ونڄن۔ وزیراعظم آکھیا جو مراکش توں تارکین وطن دی کشتی ٻݙݨ دے واقعے اچ 27 انسانی سمگلراں دی سنڄاݨ کر تے 5 کوں گرفتار کیتا ڳئے۔ اجلاس اچ وفاقی وزیر اقتصادی امور احد خان چیمہ اتے متعلقہ اداریاں دے اعلیٰ افسران شرکت کیتی۔(
