مہانگ دی شرح مزید گھٹ تھیوݨ حکومت دی معاشی پالیسیاں تے اقدامات دے صحیح ہووݨ دی سند اے، وزیراعظم محمد شہباز شریف دا جنوری اچ مہانگ دی شرح 9 سال دی گھٹ سطح تے آوݨ دا خیرمقدم

اسلام آباد۔3فروری(اے پی پی) وزیراعظم محمد شہباز شریف جنوری اچ مہانگ 9 سال دی گھٹ سطح تے آوݨ دا خیرمقدم کریندے آکھیے مہانگ دی شرح اچ مزید کمی حکومت دی معاشی پالیسیاں تے اقدامات دے صحیح ہووݨ دی سند اے ،پاکستان معاشی استحکام دے بعد معاشی ترقی دے رستے تے ٹردا پئے ۔ وزیراعظم دفتر دے میڈیا ونگ توں جاری بیان موجب وزیراعظم آکھیے سال 2024ء دے آغاز اچ مہانگ دی شرح 28.73 فیصد ہئی جیڑھی جو دسمبر 2024ء اچ 4.1 فیصد تئیں گھٹ تھئی ،جنوری 2025ء اچ مہانگ دی شرح مزید گھٹ تھی تے 2.4 فیصد تے آچکی اے،مہانگ دی شرح دا بتدریج گھٹ تھیوݨ ٻہوں چنڳٰی ڳالھ اے ۔ وزیراعظم آکھیے کھاوݨ پیوݨ دیاں چیزاں دیاں قیمتاں گھٹ تھیوݨ پاروں عام آدمی دی زندگی اچ بہتری آندی پئی اے ، مہانگ اچ بتدریج کمی توں سارے شعبیں اچ ترقی دے مثبت اشاریے ݙیکھݨ اچ آندے پئن ، مہانگ دی شرح اچ مزید کمی حکومت دی معاشی پالیسیاں تے اقدامات دے صحیح ہووݨ دی سند اے۔ وزیراعظم آکھیے حکومت مہانگ اچ مزید کمی ، عام آدمی دی زندگی اچ بہتری اتے قومی فلاح و بہبود سانڳے ٻہوں محنت کریندی پئی اے۔