صدر مملکت نال چین دی نیشنل پیپلز کانگریس دی قائمہ کمیٹی دے چیئرمین دی ملاقات

بیجنگ۔5فروری(اے پی پی)صدر مملکت آصف علی زرداری نال چین دی نیشنل پیپلز کانگریس دی قائمہ کمیٹی دے چیئرمین چاؤ لے چی ملین۔ انہاں ݙوطرفہ عملی تعاون ودھاوݨ کیتے اعلیٰ سطح تبادلیاں، سائنس و ٹیکنالوجی، قابل تجدید توانائی، بنیادی ڈھانچے اتے زرعی شعبے اچ تعاون تے الایا۔ صدر مملکت آصف علی زرداری اتے چیئرمین چاؤ ݙوہاں ملکاں وچال سدا بہار دوستی کوں اڳونہا کریندے آکھیے جو ݙوہاں ملکاں دی سنڳت ٻہوں ڳھاٹی تھئی اے، باہمی تزویراتی اعتماد پاک چین دوستی دی بنیاد اے۔ فریقین پاک چین اقتصادی راہداری 2.0 دی اعلیٰ معیار دی ترقی تے الایا۔ انہاں ݙوطرفہ پارلیمانی تبادلیاں اتے سی پیک سیاسی جماعتاں دے مشترکہ مشاورتی طریقہ کار اچ شرکت اتے ادارہ جاتی روابط تکڑے کرݨ دے مواقع تے ڳالھ مہاڑ کیتی۔