اسلام آباد۔5فروری(اے پی پی)پاکستانی حکومت اتے عوام کشمیریاں دے حق خودارادیت سانڳے ہتھ ونݙاوݨ کیتے یوم یکجہتی کشمیر منیندے پن، ایں ݙینھ اپݨے سنیہاں اچ صدر، وزیراعظم اتے نائب وزیراعظم/ وزیر خارجہ کشمیر کاز کیتے پاکستان دی غیر متزلزل اخلاقی، سفارتی و سیاسی حمایت اڳومہی کیتی، نائب وزیراعظم/ وزیر خارجہ اقوام متحدہ دی سلامتی کونسل اتے جنرل اسمبلی دے صدر، اقوام متحدہ دے سیکرٹری جنرل، اقوام متحدہ دے ہائی کمشنر …
پاکستانی حکومت اتے عوام کشمیریاں دے حق خودارادیت سانڳے ہتھ ونݙاوݨ کیتے یوم یکجہتی کشمیر منیندے پن، دفتر خارجہ
اسلام آباد۔5فروری(اے پی پی)پاکستانی حکومت اتے عوام کشمیریاں دے حق خودارادیت سانڳے ہتھ ونݙاوݨ کیتے یوم یکجہتی کشمیر منیندے پن، ایں ݙینھ اپݨے سنیہاں اچ صدر، وزیراعظم اتے نائب وزیراعظم/ وزیر خارجہ کشمیر کاز کیتے پاکستان دی غیر متزلزل اخلاقی، سفارتی و سیاسی حمایت اڳومہی کیتی، نائب وزیراعظم/ وزیر خارجہ اقوام متحدہ دی سلامتی کونسل اتے جنرل اسمبلی دے صدر، اقوام متحدہ دے سیکرٹری جنرل، اقوام متحدہ دے ہائی کمشنر برائے انسانی حقوق اتے او آئی سی دے سیکرٹری جنرل کوں بھارت دے غیر قانونی طور تے مقبوضہ جموں و کشمیر دی صورتحال تے خط لکھین اتے اقوام متحدہ دی سلامتی کونسل دی متعلقہ قرارداداں تے عمل درآمد دا مطالبہ کریندے کشمیری عوام دی رائے دے مطابق اقوام متحدہ ولوں جموں و کشمیر اچ منصفانہ و غیر جانبدارانہ استصواب رائے کراوݨ تے زور ݙتے۔ دفتر خارجہ موجب یوم یکجہتی کشمیر توں پہلے اسلام آباد اچ مقیم سفارت کاراں کوں بھارت دے زیر تسلط (مقبوضہ )جموں و کشمیر دی صورتحال تے بریفنگ وی ݙتی ڳئی۔ سیکرٹری خارجہ دی قیادت اچ وزارت دے حکام اتے عملے ݙینھ دے شروع تھیوݨ تے کانسٹی ٹیوشن ایونیو تے یوم یکجہتی واک اچ شرکت کیتی۔ ایں سانڳے پورے ملک اتے ڄڳ اچ پاکستان دے سفارتی مشنز اچ سیمینارز، ویبنارز، عوامی ریلیاں اتے تصویری نمائشاں سودھا ٻیاں سرگرمیاں وی کرایاں ڳن تاں جو کشمیریاں نال یکجہتی کریڄے اتے مقبوضہ جموں و کشمیر اچ انسانی حقوق دی خلاف ورزیاں کوں اڳونہا کیتا ونڄے۔
