راولپنڈی۔5فروری(اے پی پی)آرمی چیف جنرل سید عاصم منیر 5 فروری کوں یوم یکجہتی کشمیر تے مظفرآباد دا دورہ کیتے اتے شہداء دی قربانیاں کوں خراج عقیدت پیش کیتے۔ آئی ایس پی آر آکھیے جو جموں و کشمیر یادگار پڄݨ تے انہاں یادگار شہداء تے پھلاں دی چادر چڑھائی اتے شہداء دی بے مثال قربانیاں کوں خراج عقیدت پیش کیتے۔ آرمی چیف کشمیر اچ چیلنجنگ آپریشنل حالات دے مقابلہ اچ تعینات …
آرمی چیف دا مظفرآباد دا دورہ، شہداء دی قربانیاں کوں خراج عقیدت، کشمیری رہنماواں نال ملاقات، کشمیریاں دی حمایت دا عزم
مزید خبراں
راولپنڈی۔5فروری(اے پی پی)آرمی چیف جنرل سید عاصم منیر 5 فروری کوں یوم یکجہتی کشمیر تے مظفرآباد دا دورہ کیتے اتے شہداء دی قربانیاں کوں خراج عقیدت پیش کیتے۔ آئی ایس پی آر آکھیے جو جموں و کشمیر یادگار پڄݨ تے انہاں یادگار شہداء تے پھلاں دی چادر چڑھائی اتے شہداء دی بے مثال قربانیاں کوں خراج عقیدت پیش کیتے۔ آرمی چیف کشمیر اچ چیلنجنگ آپریشنل حالات دے مقابلہ اچ تعینات افسراں اتے جواناں دی غیر متزلزل لگن، پیشہ وارانہ مہارت اتے جنگی تیاری دی تعریف کیتی اتے انہاں دے بلند حوصلے و چوکس رہݨ دی تعریف کریندے دشمن دی کہیں وی اشتعال انگیزی روکݨ اتے مقابلہ کرݨ کیتے اعلیٰ آپریشنل تیاریاں برقرار رکھݨ تے زور ݙتے۔ آرمی چیف مسلح افواج دی جنگی تیاریاں تے اطمینان کریندے اعادہ کیتے جو کہیں وی جارحیت دا تکڑا ولدا ݙتا ویسی، ملک دی خودمختاری و علاقائی سالمیت دے دفاع کیتے پاک فوج ہر ویلھے تیار کھڑی اے۔ بعد اچ آرمی معروف اتے بزرگ کشمیریاں نال الائے اتے بھارت دے غیر قانونی طور تے مقبوضہ جموں و کشمیر دے لوکاں کیتے پاکستان دی مستقل حمایت دا عزم دوہرائے۔ آرمی چیف آکھیے جو بھارتی مظالم اتے ودھدی ہندوتوا انتہا پسندی کشمیریاں دے حق خود ارادیت دی جدوجہد دے عزم کوں تکڑا کریندی اے، پاکستان ریاستی سرپرستی اچ تھیوݨ آلے ظلم و جبر دے خلاف کشمیریاں دے منصفانہ و جائز مقصد اچ ہمیشہ انہاں دے نال کھڑے، بلا شبہ کشمیر ہک ݙینھ آزاد تھیسی اتے کشمیری عوام دی آزادی اتے تقدیر دے مطابق پاکستان دا حصہ ہوسی۔ ایں توں پہلے آرمی چیف دے آوݨ تے کور کمانڈر راولپنڈی انہاں دا استقبال کیتے۔
