بیجنگ/اسلام آباد۔6فروری(اے پی پی):صدرمملکت آصف علی زرداری عوامی جمہوریہ چین دی ریاستی کونسل دے وزیراعظم لی کیانگ نال عظیم عوامی ہال اچ ملاقات کیتی جیں اچ ݙو پاسے تعلقات کوں مزید تکڑا کرݨ سانڳے پاکستان دا عزم کریندے ݙوہیں ملکاں وچال ویلھے دی ہر آزمائش اچ پوری لہݨ آلی گھاٹی تے پائیدار شراکت داری تے زور ݙتا ڳئے۔ ایوانِ صدر دے پریس ونگ موجب ملاقات دے موقع تے صدر مملکت …
صدر آصف علی زرداری دی چین دے وزیر اعظم لی کیانگ نال ملاقات
مزید خبراں
بیجنگ/اسلام آباد۔6فروری(اے پی پی):صدرمملکت آصف علی زرداری عوامی جمہوریہ چین دی ریاستی کونسل دے وزیراعظم لی کیانگ نال عظیم عوامی ہال اچ ملاقات کیتی جیں اچ ݙو پاسے تعلقات کوں مزید تکڑا کرݨ سانڳے پاکستان دا عزم کریندے ݙوہیں ملکاں وچال ویلھے دی ہر آزمائش اچ پوری لہݨ آلی گھاٹی تے پائیدار شراکت داری تے زور ݙتا ڳئے۔ ایوانِ صدر دے پریس ونگ موجب ملاقات دے موقع تے صدر مملکت پائیدار تے گھاٹی چین پاکستان ہمہ موسمی سٹریٹجک کوآپریٹو پارٹنرشپ دا ذکر کیتے جیں اچ ݙوہیں ملکاں رہنماواں نسل در نسل اڳوں ودھائے تے تکڑا کیتے ۔ انہاں ݙو پساے تعلقات کوں مزید تکڑا کرݨ سانڳے پاکستان داعزم کریندے ݙوہیں ملکاں وچال ویلھے دی ہر آزمائش اچ پوری لہݨ آلی گھاٹی تے پائیدار شراکت داری تے زورݙتا۔ صدر مملکت علاقائی رابطے تے اقتصادی ترقی کوں ودھاوݨ اچ چین پاکستان اقتصادی راہداری (سی پیک) دے اہم کردار تے روشنی پاتی تے پاکستان دے ترقیاتی ایجنڈے سانڳے چین دی مسلسل حمایت دی تعریف کیتی ۔ فریقین مشترکہ پیشرفت اتے مشترکہ خوشحالی کوں مزید اڳوں ودھاوݨ سانڳے قابل تجدید توانائی، سائنس و ٹیکنالوجی، انفراسٹرکچر اتے زراعت دے شعبیں اچ تعاون گھاٹا کرݨ تے توجہ ݙیندے ہوئیں سی پیک دے ݙوجھے مرحلے دے تحت اعلیٰ معیار دی ترقی تے ڳالھ مہاڑ کیتی۔ انہاں بزنس ٹو بزنس اتے نجی شعبے دے رابطے دے ذریعے تجارتی تے اقتصادی تعاون کوں ودھاوݨ دے موقع تے وی ڳالھ مہاڑ کیتی ۔ فریقین نویں دور اچ مشترکہ مستقبل دی چین پاکستان کمیونٹی دی تعمیر سانڳے عوام نال عوام اتے ثقافتی تبادلیں کوں ودھاوݨ دی اہمیت تے زور ݙتے
