وزیر مملکت آئی ٹی و ٹیلی کمیونیکیشن  نال ترک سفیر دی ملاقات

اسلام آباد۔6فروری(اے پی پی) وزیرمملکت آئی ٹی و ٹیلی کمیونیکیشن شزا فاطمہ خواجہ نال ترکیہ دے سفیر عرفان نذیر اوغلو ملاقات کیتی جیں دوران پاکستان تے ترکیہ وچال آئی ٹی،فائیوجی اتے مصنوعی ذہانت دے شعبیں اچ تعاون ودھاوݨ تے اتفاق کیتا ڳئے ۔  وزارت انفارمیشن ٹیکنالوجی تے ٹیلی کمیونیکیشن توں جاری بیان موجب ملاقات دے دوران ڈیجیٹل ٹرانسفارمیشن، ای۔گورننس اتے سمارٹ ٹیکنالوجیز اچ اشتراک دے موقع تے ڳالھ مہاڑ کیتی ڳئی ۔ملاقات اچ پاکستان تے ترکیہ وچال ڈیجیٹل ترقی، روزگار دے موقع اتے اقتصادی استحکام دے ودھارے تے اتفاق کیتا ڳئے۔پاکستان دے نیشنل آئی ٹی بورڈ اتے ترکیہ دے ترک سیٹ وچال بی ٹوبی تعاون تے غور کیتا ڳئے ۔وزیر مملکت انفارمیشن ٹیکنالوجی و ٹیلی کمیونیکیشن شزا فاطمہ خواجہ آکھیے پاکستان سافٹ ویئر ایکسپورٹ بورڈ (پی ایس ای بی) بین الاقوامی آئی ٹی تعاون دے فروغ سانڳے پرعزم اے ، ڈیجیٹل معیشت اچ مہارت ڈگری توں زیادہ اہمیت رکھیندی اے ، سکل ڈویلپمنٹ کوں ودھارا ݙیوݨا ہوسی ، ڈیجیٹل نیشن پاکستان ٻل دے نفاذ توں معیشت، ای۔گورننس اتے ڈیٹا ایکسچینج اچ وݙی پیشرفت تھیسی ۔ ترکیہ دے سفیر عرفان نذیر اوغلو آکھیے پاکستان تے ترکیہ وچال آئی ٹی، ٹیلی کام اتے ڈیجیٹل بزنس اچ اشتراک ضروری اے، ترکیہ اچ 67 ملین لوکاں ای۔گورننس سسٹم توں فیدہ چیندے پئن 8,000 ڈیجیٹل سروسز فعال ہن