اسلام آباد۔6فروری(اے پی پی) پاکستان آکھیے غزہ دے لوکاں کوں بے گھر کرݨ دی تجویز ٻہوں پریشان کن اتے غیر منصفانہ اے، فلسطینی سرزمین فلسطینی عوام دی اے اتے اقوام متحدہ دی سلامتی کونسل دی قرارداداں موجب ݙو ریاستی حل ہی واحد قابل عمل اتے منصفانہ آپشن اے۔ ترجمان دفتر خارجہ توں جاری بیان اچ آکھیا ڳئے پاکستان فلسطینی عوام دی حق خودارادیت دی منصفانہ جدوجہد دے نال نال …
غزہ دے لوکاں کوں بے گھر کرݨ دی تجویز ٻہوں پریشان کن اتے غیر منصفانہ اے، ترجمان دفتر خارجہ
مزید خبراں
اسلام آباد۔6فروری(اے پی پی) پاکستان آکھیے غزہ دے لوکاں کوں بے گھر کرݨ دی تجویز ٻہوں پریشان کن اتے غیر منصفانہ اے، فلسطینی سرزمین فلسطینی عوام دی اے اتے اقوام متحدہ دی سلامتی کونسل دی قرارداداں موجب ݙو ریاستی حل ہی واحد قابل عمل اتے منصفانہ آپشن اے۔ ترجمان دفتر خارجہ توں جاری بیان اچ آکھیا ڳئے پاکستان فلسطینی عوام دی حق خودارادیت دی منصفانہ جدوجہد دے نال نال 1967 توں پہلے دی سرحداں تے مبنی ھک آزاد، خودمختار اتے متصل فلسطینی ریاست دے قیام دا حامی رہیے تے رہسی جیں دا دارالحکومت القدس الشریف ہووے۔ انہاں آکھیے فلسطینیاں کوں انہاں دی سرزمین توں بے گھر کرݨ تے غیر قانونی وستیاں کوں جاری رکھݨ دی کوئی وی کوشش بین الاقوامی قانون دی صریح خلاف ورزی ہوسی اتے پورے خطے دے امن و سلامتی کوں ضیان پڄیسی ۔ ترجمان آکھیے پاکستان غزہ سودھے سارے بے گھر فلسطینیاں دی اپݨے گھراں کوں واپسی، مقبوضہ علاقیں توں اسرائیلی افواج دے مکمل انخلا، انسانی امداد اچ ودھارا تے ساریاں رکاوٹاں مکاوݨ نیز غزہ دی وختی نویں سروں تعمیر سانڳے مربوط بین الاقوامی کوششاں کرݨ دے مطالبہ دا اعادہ وی کیتے
