اسلام آباد۔6فروری(اے پی پی) جوڈیشل کمیشن آف پاکستان لاہور ہائی کورٹ اچ ایڈیشنل ججز دی تقرری سانڳے 9 نامزدگیاں کرݙتن ۔ سپریم کورٹ آف پاکستان دے شعبہ تعلقات عامہ دی جاری پریس ریلیزموجب لاہور ہائی کورٹ اچ ایڈیشنل ججز دی تقرری سانڳے نامزدگیاں تے غور سانڳے جوڈیشل کمیشن آف پاکستان دا اجلاس سپریم کورٹ آف پاکستان اسلام آباد دے کانفرنس روم اچ تھیا ۔کارروائی شروع تھیوݨ توں پہلے ارکان …
جوڈیشل کمیشن آف پاکستان لاہور ہائی کورٹ اچ ایڈیشنل ججز دی تقرری سانڳے 9 نامزدگیاں کرݙتن
مزید خبراں
اسلام آباد۔6فروری(اے پی پی) جوڈیشل کمیشن آف پاکستان لاہور ہائی کورٹ اچ ایڈیشنل ججز دی تقرری سانڳے 9 نامزدگیاں کرݙتن ۔ سپریم کورٹ آف پاکستان دے شعبہ تعلقات عامہ دی جاری پریس ریلیزموجب لاہور ہائی کورٹ اچ ایڈیشنل ججز دی تقرری سانڳے نامزدگیاں تے غور سانڳے جوڈیشل کمیشن آف پاکستان دا اجلاس سپریم کورٹ آف پاکستان اسلام آباد دے کانفرنس روم اچ تھیا ۔کارروائی شروع تھیوݨ توں پہلے ارکان اجتماعی طور تے سینئر ایڈووکیٹ سپریم کورٹ آف پاکستان/ممبر جوڈیشل کمیشن آف پاکستان اختر حسین دی ذال دے انتقال تے دلی تعزیت کیتی ۔اجلاس اچ کمیشن اپݨی کل رکنیت دی اکثریت توں لاہور ہائی کورٹ اچ بطور ایڈیشنل جج تقرری سانڳے حسن نواز مخدوم ایڈووکیٹ سپریم کورٹ، ملک وقار حیدر اعوان ایڈووکیٹ سپریم کورٹ،سردار اکبر علی ایڈووکیٹ سپریم کورٹ،سید احسن رضا کاظمی ایڈووکیٹ سپریم کورٹ، ملک جاوید اقبال وینس ایڈووکیٹ سپریم کورٹ،محمد جواد ظفر ایڈووکیٹ سپریم کورٹ،خالد اسحاق ایڈووکیٹ سپریم کورٹ،ملک محمد اویس خالد ایڈووکیٹ سپریم کورٹ، چوہدری سلطان محمود ایڈووکیٹ سپریم کورٹ دی نامزدگیاں کیتن۔کمیشن متفقہ طور تے فیصلہ کیتے جو جنہاں امیدواراں ایں واری آپݨی نامزدگیاں کوں حتمی شکل ݙیوݨ سانڳے کمیشن دی کل رکنیت دی مطلوبہ اکثریت نی ملی انہاں مستقبل اچ خالی آسامیاں سانڳے نامزد کیتا ونڄ سڳدے۔
