پاکستان اتے نیوزی  لینڈ دیاں کرکٹ ٹیماں وچال 3 ملکی ون ڈے سیریز دا پہلا میچ چھݨ چھݨ کوں تھیسی

اسلام آباد۔7فروری(اے پی پی) پاکستان اتے نیوزی  لینڈ دیاں کرکٹ ٹیماں وچال 3 ملکی ون ڈے سیریز دا پہلا میچ چھݨ چھݨ 8 فروری کوں قذافی ستیڈیم لاہور اچ تھیسی۔ اے میچ ڈے اینڈ نائٹ ہوسی۔ نیوزی لینڈ اتے جنوبی افریقا دیاں کرکٹ ٹیماں 3 ملکی سیریز کیتے پاکستان دے دورے تے ہین۔ سیریز دا  پہلا میچ میزبان پاکستان اتے مہمان نیوزی لینڈ وچال چھݨ چھݨ کوں لاہور اچ کھیݙیا ویسی۔ پاکستان ٹیم دی قیادت مایہ ناز وکٹ کیپر بلے باز محمد رضوان کریسن ڄݙاں جو نیوزی لینڈ دی ٹیم کوں مچل سینٹنر لیڈ کریندے پن۔ سیزیز دا ݙوڄھا میچ 10 فروری کوں نیوزی لینڈ اتے جنوبی افریقا وچال لاہور اچ تھیسی ڄݙاں جو تریڄھا میچ 12 فروری کوں پاکستان اتے جنوبی افریقا وچال نیشنل کرکٹ سٹیڈیم کراچی اچ کھیݙیا ویسی۔ بہترین پوائنٹس آلیاں ݙو ٹیماں سہ ملکی ون ڈے سیریز دا فائنل میچ 14 فروری کوں نیشنل کرکٹ سٹیدیم کراچی اچ کھیݙسن۔