وزیرمملکت آئی ٹی و ٹیلی کام لیپ 2025 اچ پاکستان دی نمائندگی کریسن

اسلام آباد۔8فروری(اے پی پی) وزیر مملکت آئی ٹی و ٹیلی شزا فاطمہ خواجہ سعودی عرب اچ تھیوݨ آلی”  لیپ 2025 “اچ پاکستان دی نمائندگی کریندے پاکستان دی ڈیجیٹل ترقی کوں نشابر کریسن ۔ وزارت آئی ٹی و ٹیلی کام توں جاری اعلامیہ موجب لیپ 2025 اچ پاکستان دا ساریں توں وݙا ٹیکنالوجی وفد عالمی معیشت اچ آپݨی صلاحیتاں پیش کریسی ،40 توں ودھ پاکستانی کمپنیاں، سٹارٹ اپس اتے انڈسٹری لیڈرز عالمی موقع  توں فیدہ چیسن ۔وزیر مملکت لیپ 2025 اچ آئی ٹی ماہرین اتے صنعتکاراں نال ملاقات کریسن۔ واضح رہےجو   مصنوعی ذہانت، سائبر سکیورٹی اتے فِن ٹیک اچ پاکستان دی شاندار ترقی لیپ 2025 اچ نمایاں ہوسی ۔وزیر مملکت عالمی سرمایہ کاراں تے ڈیجیٹل کمپنیاں نال وی ملاقاتاں کریسن تے لیپ 2025 اچ پاکستان تے سعودی عرب وچال ڈیجیٹل شراکت داری کوں مزید وسعت ݙیوݨ تے وی ڳالھ مہاڑ کیتی ویسی ۔ پاکستانی آئی ٹی کمپنیاںعالمی سطح تے آپݨی مہارت اتے جدید خیالات کوں پیش کریسن ،ڈیجیٹل معیشت اچ پاکستان دی ترقی تے نینگراں سانڳے موقع تے ڳالھ مہاڑ تھیسی ۔وزیر مملکت لیپ 2025 اچ پاکستان دے سٹارٹ اپس کوں عالمی سرمایہ کاری دے موقع ݙیوݨ تے ڳالھ مہاڑ کریسن