اسلام آباد۔8فروری(اے پی پی) کوآرڈینیٹر صحت ڈاکٹر مختار احمد بھرتھ والدین توں اپیل کیتی اے جو انسداد پولیو مہم دے دوران ٻالاں کوں پولیو دے قطرے ضرور پلاؤ،والدین اتے سول سوسائٹی دی مدد دے بغیر پولیو دے خلاف جنگ نی جت سڳدے ۔ ترجمان قومی وزارت صحت توں جاری بیان موجب کوآرڈینیٹر صحت ڈاکٹر مختار احمد بھرتھ آکھیے 2025دی پہلی قومی انسدادِ پولیو مہم ملک اچ جاری اے ، …
والدین اتے سول سوسائٹی دی مدد دے بغیر پولیو دے خلاف جنگ نی جت سڳدے، ڈاکٹر مختار احمد بھرتھ
مزید خبراں
اسلام آباد۔8فروری(اے پی پی) کوآرڈینیٹر صحت ڈاکٹر مختار احمد بھرتھ والدین توں اپیل کیتی اے جو انسداد پولیو مہم دے دوران ٻالاں کوں پولیو دے قطرے ضرور پلاؤ،والدین اتے سول سوسائٹی دی مدد دے بغیر پولیو دے خلاف جنگ نی جت سڳدے ۔ ترجمان قومی وزارت صحت توں جاری بیان موجب کوآرڈینیٹر صحت ڈاکٹر مختار احمد بھرتھ آکھیے 2025دی پہلی قومی انسدادِ پولیو مہم ملک اچ جاری اے ، ابتدائی چارݙینھ اچ 4 کروڑ 10 لکھ توں ودھ ٻالاں کوں پولیو دے قطرے پلائے ڳئن، پولیو مہم 9 فروری تئیں جاری رہسی ۔ انہاں والدین توں اپیل کیتی جو پولیو مہم دے دوران ٻالاں کوں پولیو دے قطرے ضرور پلاؤ،پولیو ورکرز قوم دے ہیروز ہن انہاں دی خدمات کوں خراج تحسین پیش کریندوں ۔ڈاکٹر مختار بھرتھ آکھیے پولیو مُکاوݨ سانڳے عوام حکومت دے رلے تھیوے ۔ انہاں آکھیے وزیراعظم محمد شہبازشریف دی قیادت اچ پولیو مُکاوݨ دا عزم کررکھئے ،پولیو مُکاوݨ سنڳے ھک مربوط حکمت عملی دے تحت کم جاری اے ،ملک توں پولیو مکاوݨ سانڳے سارے سٹیک ہولڈرز سنجیدہ اقدامات یقینی بݨیندے پئن۔ڈاکٹر مختار احمد بھرتھ آکھیے ہائی رسک علاقیں تے خصوصی حکمت عملی دے ذریعے اقدامات جاری ہن ،وزیراعظم دی ہدایت تے بلوچستان اچ مہم دا جائزہ گھنݨ سانڳے فیلڈ دا دورہ کیتے۔ ڈاکٹر مختار بھرتھ آکھیے حکومت پولیو ورکرز دی حفاظت یقینی بݨاوݨ سانڳے ہر ممکن اقدامات کریندی پئی اے ۔ کوآرڈینیٹر صحت آکھیے آؤ پولیو وائرس کوں مُنڈھوں مُکاوݨ اچ آپݨا کردار نبھاؤں۔
