آپݨی تعلیم تے انھاں اقدار دی طاقت کوں کݙاہیں گھٹ نہ سمجھو جیڑھیاں تساکوں اتھاں سکھائیاں ڳئن ،قائم مقام چیئرمین سینیٹ سیدال خان

اسلام آباد۔8فروری(اے پی پی) قائم مقام چیئرمین سینیٹ سیدال خان آکھیے اعتماد، عاجزی تے ایں یقین نال اڳوں ودھو جو تساں واقعی ھک مثبت تبدیلی گھن آسڳدو، اوکھ دے باوجود تُساں ثابت قدمی اتےاستقامت نال کم کرݨا اے ،حقیقی کامیابی صرف ذاتی کامیابی اچ کائنی بلکہ ایں فرق وچ مضمر اے جو تُساں ݙوجھیں دی زندگی اچ پیدا کریندو ۔ قائم مقام چیئرمین سینیٹ الحمداسلامک یونیورسٹی دے کانووکیشن توں خطاب اچ آکھیے اے میں سانڳے اعزازتے ماݨ دی ڳالھ اے جو میں اڄ الحمد اسلامک یونیورسٹی، اسلام آباد دی تقریب تقسیم اسناد دے اہم موقع تے تُساں نال شریک ہاں ۔ انہاں آکھیے اڄ دا ݙینھ خوشی دا ݙینھ اے ، تساڈی محنت اتے ان تھک کاوش رنگ گھن آئی اے ۔ اڄ تساں آپݨی زندگی دے ھک نویں باب اچ قدم رکھیندے پیو ۔ قائم مقام چیئرمین سینیٹ آکھیے اسلامک یونیورسٹی ، علم اتے روشنی دی علامت اے،اے ادارہ ہمیشہ علمی برتری اتے اخلاقی دیانت کوں ودھارا ݙیوݨ سانڳے کوشاں رہیے ،اسلامک یونیورسٹی تعلیم یافتہ اتے محنتی فیکلٹی ممبرز اتے مستعد انتظامیہ دے ذریعے ایجھا ماحول ݙیندی اے جیڑھا جدت علمی ترقی اتے سچائی کوں ڳولݨ اچ ودھارا ݙیندے ۔ سیدال خان مزید آکھیے فارغ التحصیل گریجوایٹس کوں صرف ھک ڈگری نی ملدی پئی بلکہ تساکوں مستقبل دی چابی ݙتی ویندی پئی اے تُساکوں چیلنج دا سامݨا کرݨ ، مسئلے حل کرݨ تے جرات و دیانت نال قیادت کرݨ سانڳے تیار کرچکیوں ۔ قائمقام چیئرمین سینیٹ مزید آکھیے اوکھ دے باوجود، تُساں ثابت قدمی نال کم کرݨا اے میں انہاں سارے لوکاں دا شکریہ ادا کرینداں جنہاں تساݙے رستے اچ مدد کیتی ۔ قائمقام چیئرمین سینیٹ آکھیے آپݨی تعلیم تے انھاں اقدار دی طاقت کوں کݙاہیں گھٹ نہ سمجھو جیڑھیاں تساکوں اتھاں سکھائیاں ڳئن ۔ قائم مقام چیئرمین سینیٹ آکھیے اعتماد، عاجزی اتے ایں یقین نال اڳوں ودھو تساں واقعی ھک مثبت تبدیلی گھن آسڳدو۔