وفاقی وزیر خزانہ سینیٹر محمد اورنگزیب دی لزبن اچ پرنس کریم الحسینی آغا خان چہارم دی نماز جنازہ اچ شرکت

لزبن ۔8فروری(اے پی پی) وفاقی وزیر خزانہ و محصولات سینیٹر محمد اورنگزیب پرتگال دے شہر لزبن اچ شیعہ اسماعیلی مسلماناں دے 49 ویں امام مرحوم شہزادہ کریم الحسینی آغا خان چہارم دی نماز جنازہ اچ شرکت کیتی اے ،وزیرخزانہ شیعہ اسماعیلی مسلماناں دے 50 ویں امام شہزادہ رحیم الحسینی آغا خان پنجم نال وی ملاقات کیتی ۔ وزارت خزانہ توں جاری اعلامیہ موجب ملاقات اچ وزیر خزانہ صدر مملکت، وزیراعظم اتے پاکستانی عوام دی طرفوں مرحوم پرنس کریم آغا خان دے انتقال تے دلی تعزیت کیتی ، انہاں مرحوم پرنس کریم آغا خان اتے آغا خان ڈویلپمنٹ نیٹ ورک دی خدمات دی وی تعریف کیتی ۔ وزیر خزانہ پرنس کریم آغا خان چہارم دی وفات کوں انہاں دے خاندان، دوستاں تے پیروکاراں دے علاوہ پوری دنیا دے پسماندہ اتے نادار لوکاں سانڳے ھک وݙا ضیان قرار ݙتا ۔ وزیر خزانہ مرحوم پرنس کریم آغا خان دی پاکستان اتے اوں دے عوام نال خصوصی جڑت دے حوالے نال آکھیے جو حکومت پاکستان پرنس کریم آغا خان دی تدفین دے موقع تے 8 فروری 2025 کوں قومی سوڳ دا ݙینھ قرار ݙتے ۔پورے ملک اچ تے ٻاہرلے ملک پاکستانی سفارت خانیں اچ پاکستانی پرچم جِھکا رہسی۔