محمد اسحاق ڈار دی مصر دے وزیر خارجہ بدرعبدالاتی نال ٹیلی فون تے ڳالھ مُہاڑ

اسلام آباد۔9فروری(اے پی پی) نائب وزیر اعظم تے وزیر خارجہ سینیٹر محمد اسحاق ڈار مصر دے وزیر خارجہ بدر عبدالاتی نال ٹیلی فون تے ڳالھ مہاڑ کیتی تے فلسطینی عوام سانڳے پاکستان دی غیر متزلزل حمایت دا اعادہ اتے مصر نال پاکستان دی مکمل یکجہتی دا اظہار کیتے۔ ترجمان دفتر خارجہ توں جاری بیان موجب وزیر خارجہ سینیٹر محمد اسحاق ڈار غزہ اچ تھیوݨ آلی پیشرفت بشمول لکھاں فلسطینی باشندیں کوں متاثر کرݨ آلی سنگین انسانی صورتحال تے ڳالھ مُہاڑ کیتی۔اسحاق ڈار فلسطینی عوام سانڳے پاکستان دی غیر متزلزل حمایت دا اعادہ کیتے تے مصر نال پاکستان دی مکمل یکجہتی دا وی اظہار کیتے۔ انہاں ایں معاملے تے غور سانڳے وزرائے خارجہ کونسل دا غیر معمولی او آئی سی اجلاس سݙݨ سانڳے پاکستان دی حمایت دا وی اظہار کیتے۔ ݙوہیں وزرا آوݨ آلے ݙینھاں اچ انہاں پیشرفتاں تے نیڑے رابطہ برقرار رکھݨ تے اتفاق کیتے۔