وزیرِ اعظم ورلڈ گورنمنٹس سمٹ اچ شرکت کیتے وفد نال متحدہ عرب امارات لڳے ڳن

لاہور۔10فروری(اے پی پی)وزیرِ اعظم محمد شہباز شریف ݙو ݙینھ دے سرکاری دورے تے وزیرِ اعظم ورلڈ گورنمنٹس سمٹ اچ شرکت کیتے وفد نال متحدہ عرب امارات لڳے ڳن۔ نائب وزیرِ اعظم و وزیرِ خارجہ اسحاق ڈار، وفاقی وزرا خواجہ آصف، احد خان چیمہ، محمد اورنگزیب، سردار اویس خان لغاری، عطاء اللہ تارڑ اور معاون خصوصی طارق فاطمی وی وزیرِ اعظم دے نال ہین۔

متحدہ عرب امارات دے نائب صدر و وزیرِ اعظم اتے دبئی دے فرمانروا شیخ محمد بن راشد المکتوم دی دعوت تے وزیرِ اعظم محمد شہباز شریف ورلڈ گورنمنٹس سمٹ اچ شرکت کیتے متحدہ عرب امارات دا 10 اتے 11 فروری کوں ݙو ݙینھ دا دورہ کریندے پن۔ وزیرِ اعظم دبئی اچ ورلڈ گورنمنٹس سمٹ اچ خطاب وی کریسن۔ وزیرِ اعظم متحدہ عرب امارات دی قیادت نال ملݨ سودھا او سربراہی اجلاس اچ شرکت کیتے آئے مختلف ممالک دے سربراہان حکومت نال وی ملسن۔