دبئی۔11فروری(اے پی پی)وزیراعظم محمد شہبازشریف آکھیے جو پاکستان خصوصی سرمایہ کاری سہولت کونسل پاروں سرمایہ کاری و کاروباری ماحول ٻیا بہترین ٻݨائے اتے شفافیت ودھائی اے، ڈی پی ورلڈ نال بامعنی سرمایہ کاری دے اشتراک نال پاکستان اتے متحدہ عرب امارات دے تجارتی تعلقات ٻئے تکڑے تھیسن۔ وزیرِ اعظم محمد شہباز شریف نال ورلڈ گورنمنٹس سمٹ دے موقع تے ڈی پی ورلڈ دے گروپ چیئرمین اتے سی ای او سلطان …
پاکستان خصوصی سرمایہ کاری سہولت کونسل پاروں سرمایہ کاری و کاروباری ماحول ٻیا بہترین ٻݨائے، وزیراعظم شہبازشریف
مزید خبراں
دبئی۔11فروری(اے پی پی)وزیراعظم محمد شہبازشریف آکھیے جو پاکستان خصوصی سرمایہ کاری سہولت کونسل پاروں سرمایہ کاری و کاروباری ماحول ٻیا بہترین ٻݨائے اتے شفافیت ودھائی اے، ڈی پی ورلڈ نال بامعنی سرمایہ کاری دے اشتراک نال پاکستان اتے متحدہ عرب امارات دے تجارتی تعلقات ٻئے تکڑے تھیسن۔ وزیرِ اعظم محمد شہباز شریف نال ورلڈ گورنمنٹس سمٹ دے موقع تے ڈی پی ورلڈ دے گروپ چیئرمین اتے سی ای او سلطان احمد بن سلیم ملین۔ وزیر اعظم آکھیا جو ڈی پی ورلڈ دے وفد دا پاکستان دا دورہ ݙوطرفہ بامعنی سرمایہ کاری دے اشتراک دی وجہ ٻݨیے، اینڄھیاں سرگرمیاں اتے تعاون نال پاکستان اتے متحدہ عرب امارات دے تعلقات ٻئے تکڑے کرݨ اچ مدد ملسی۔ وزیر اعظم سرمایہ کاری، تجارت اتے لاجسٹک انفراسٹرکچر ودھاوݨ کیتے ڈی پی ورلڈ دے کردار دی تعریف کیتی اتے گروپ نال بین الحکومتی معاہداں دے تحت منصوبیاں کوں تیکھے مکمل کرݨ دا عزم دوہرائےانہاں آکھیا جو سرمایہ اتے کاروبار دوست پالیسیاں نال پاکستان عالمی سرمایہ کاراں کیتے ہک پرکشش ملک اے، پاکستان دا سٹریٹجک محل وقوع ڈی پی ورلڈ کیتے اپݨے آپریشنز ودھاوݨ اتے پاکستان اچ جبل علی بندرگاہ ڄھیں کامیاب منصوبیاں کوں ٹورݨ دا وݙا موقع اے۔ ملاقات اچ ڈی پی ورلڈ دے چیئرمین آکھیا جو پاکستانی مصنوعات دی متحدہ عرب امارت اچ برآمدات ودھاوݨ کیتے ڈی پی ورلڈ ہک خصوصی نمائشی ہال رکھیے جیندے نال اماراتی مارکیٹ تئیں پاکستانی مصنوعات دی رسائی اتے تشہیر اچ ہتھ ونݙیسی۔
