وزیراعظم محمد شہباز شریف اتے یو اے ای دے صدر محمد بن زید النہیان دی ملاقات

ابو ظہبی۔11فروری(اے پی پی)وزیراعظم محمد شہباز شریف اتے متحدہ عرب امارات دے صدر محمد بن زید النہیان معیشت، تجارت سودھا مختلف شعبیاں اچ ساڄھے داری اتے ݙوطرفہ تعاون ودھاوݨ تے الائے۔ وزیراعظم محمد شہباز شریف ابوظہبی اچ یو اے ای دے صدر محمد بن زید النہیان نال قصر الشاطی اچ ملین جتھاں یو اے ای دے صدر انہاں دا شاندار استقبال کیتے۔

ملاقات اچ چیف آف آرمی سٹاف جنرل سید عاصم منیر وی ہن۔ وزیر اعظم شہباز شریف اتے متحدہ عرب امارات دے صدر پاک امارات باہمی تعاون بیا تکڑا کرݨ دا عزم دوہرائے اتے باہمی مفادات دی تکمیل، تعلقات دی مضبوطی، اقتصادی و تجارتی اتے ترقی سودھا ٻئے شعبیاں اچ ݙوہاں ملکاں وچال تعاون تے الائے۔ انہاں گورننس اچ عالمی رجحانات اتے عالمی تبدیلیاں دے چیلینجز نال نمتݨ کیتے حکومتی تیاریاں دی قابل عمل حکمت عملی تے ورلڈ گورنمنٹس سمٹ دی اہمیت تے ڳالھ مہاڑ کیتی۔ ݙوہاں رہنماواں مشرق وسطیٰ اچ تھیوݨ آلی پیش رفت تے الیندے باہمی دلچسپی دے کئی اہم علاقائی و بین الاقوامی امور سودھا علاقائی سلامتی، استحکام اتے امن سانڳے ݙوریاستی حل کیتے جامع اتے دیرپا امن دیاں عالمی کوششاں کوں تیکھا کرݨ تے زور ݙتے۔