نائب وزیراعظم سینیٹر محمد اسحاق ڈار دی شیخ عبداللہ بن زید النہیان نال ٹیلی فون تے ڳالھ مہاڑ

اسلام آباد۔12فروری(اے پی پی) نائب وزیراعظم تے وزیر خارجہ سینیٹر محمد اسحاق ڈار متحدہ عرب امارات دے نائب وزیراعظم تے وزیر خارجہ شیخ عبداللہ بن زید النہیان نال ٹیلی فون تے ڳالھ مہاڑ کیتی ۔ ترجمان دفتر خارجہ توں جاری بیان موجب ݙوہیں رہنماواں غزہ دی سنگین انسانی صورتحال تے ڳالھ مہاڑ کیتی تے فلسطینی عوام کوں انہاں دے آبائی وطن توں بے گھر کرݨ یا منتقل کرݨ دی تجویز تے تشویش کیتی ۔ نائب وزیراعظم فلسطینی عوام دے حقوق سانڳے پاکستان دی غیر متزلزل حمایت دا اعادہ کیتے۔ انہاں مسئلہ فلسطین دے منصفانہ، جامع اتے دیر تئیں حل سانڳے نیڑے رابطہ برقرار رکھݨ تے اتفاق کیتے۔