وزیراعظم دا پائیدار ترقی سانڳے جوہری ٹیکنالوجی توں فیدہ چاوݨ دے عزم دا اعادہ ، پاکستان جوہری توانائی دی پیداوار، صنعتی ترقی، علاج معالجہ ، زرعی، سماجی و اقتصادی ترقی اچ چنڳی پیشرفت کیتی اے ، شہباز شریف

اسلام آباد۔12فروری(اے پی پی) وزیراعظم محمد شہباز شریف پائیدار ترقی سانڳے جوہری ٹیکنالوجی توں فیدہ چاوݨ دے عزم دا اعادہ کریندے آکھیے پاکستان جوہری توانائی دی پیداوار، صنعتی ترقی، علاج معالجہ ، زرعی، سماجی و اقتصادی ترقی اچ نمایاں پیشرفت کیتی اے ۔ پی وزیراعظم دفتر میڈیا ونگ توں جاری بیان موجب اے ڳالھ انہاں اتھاں انٹرنیشنل اٹامک انرجی ایجنسی (آئی اے ای اے )دے ڈائریکٹر جنرل رافیل گروسی کوں آکھی جنہاں اتھاں انہاں دے نال ملاقات کیتی ۔ وزیراعظم موسمیاتی تبدیلیاں کوں گھٹ کرݨ سانڳے جوہری توانائی کوں ودھارا ݙیوݨ سانڳے آئی اے ای اے دے اقدامات دی تعریف کیتی ۔ انہاں پائیدار ترقی سانڳے جوہری ٹیکنالوجی توں فیدہ چاوݨ سانڳے پاکستان دے عزم دا اعادہ کیتے۔ملاقات اچ کینسر دی تشخیص و علاج، زراعت، غذائی تحفظ، پاݨی دے انتظام اتےصنعت سودھے مختلف شعبیں اچ جوہری ٹیکنالوجی دے پرامن استعمال تے ڳالھ مہاڑ کیتی ۔وزیراعظم آکھیے پاکستان بطور رکن آئی اے ای اے تنظیم نال نتیجہ خیز اتے سانجھے طور تے فیدہ مند شراکت داری کوں برقرار رکھیے ، آئی اے ای اے دے تعاون نال پاکستان جوہری توانائی دی پیداوار، صنعتی ترقی، صحت دی ݙیکھ بھال، زرعی، سماجی اتے اقتصادی ترقی اچ نمایاں پیشرفت کیتی اے ۔ انہاں پرامن مقصد سانڳے جوہری ٹیکنالوجی دی مکمل صلاحیت کوں بروئے کار گھن آوݨ سانڳے آئی اے ای اے نال تعاون مزید تکڑا بݨاوݨ سانڳے پاکستان دے عزم دا اعادہ کیتے۔ڈائریکٹر جنرل آئی اے ای اے پاکستان دے پراݨے تعاون دی تعریف کیتی تے آکھیے آئی اے ای اے پاکستان نال ایں جذبے نال کم کریندا رہسی۔