این ڈی ایم اے سیٹلائیٹ ویدر فورکاسٹ سسٹم نال جڑیا ہویا اے ، قدرتی آفتاں اچ صوبائی ریسکیو اداریں تے انتظامیہ نال رل تے چنڳاں کم کریندا پئے ، وفاقی وزیر سینیٹر اعظم نذیر تارڑ

اسلام آباد۔12فروری (اے پی پی):وفاقی وزیر قانون و انصاف سینیٹر اعظم نذیر تارڑ آکھیے این ڈی ایم اے قدرتی آفتاں اچ صوبائی ریسکیو اداریں تے انتظامیہ نال رل تے چنڳاں کم کریندا پئے ، سیٹلائیٹ ویدر فارکاسٹ سسٹم نال این ڈی ایم اے منسلک اے جیڑھا وختی لوکاں کوں حفاظتی تدابیر ، علاقے خالی کراوݨ سانڳے حرکت اچ آندے ۔او قومی اسمبلی اچ سوالاں دے وقفے ویلھے ڳالھ مہاڑ کریندے پئے ہن ۔ معزز رکن اسمبلی دے سوال دے جواب اچ وفاقی وزیر این ڈی ایم اے قدرتی آفتاں اچ عملی طورتے ٻہوں کم کیتے ، مقامی انتظامیہ کوں فعال کرݨ، لوکاں اچ آگاہی ݙیوݨ این ڈی ایم اے دا کم اے۔ انہاں آکھیے قدرتی آفات اللہ تعالی دی طرفوں ہوندن انسانی کوشاں تھیندیاں رہندن ، جے امریکہ اچ اڄوکی بھاہ دا واقعہ ݙیکھو تاں اتنے وسائل ہووݨ دے باوجود او لاس اینجلس کوں تباہی توں نی بچا سڳیا ۔ انہاں آکھیے پاکستان اچ ماضی اچ بھاہ ، چھل ، بادل پھٹݨ دے واقعات تھئن، ایں کوں سامݨے رکھیندے این ڈی ایم اے مرکزی کنٹرول روم بݨائے جتھاں سمندری علاقیں، میدانی علاقیں، فصلات دے حوالےنال الرٹس ݙتے ویندے پئن ۔ انہاں آخھیے این ڈی ایم اے دی کارکردگی ٻہوں بہتر اے ،ایں وچ مزید بہتر کرݨ سانڳے بجٹ ، پیشہ وارانہ تربیت بہتر کیتی ڳئی اے ، سیٹلائیٹ ویدر فارکاسٹ سسٹم نال این ڈی ایم اے جڑیا ہویا اے وختی لوکاں کوں حفاظتی تدابیر ، علاقے خالی کراوݨ ۔ این ڈ ی ایم اے دی ھک پیش گوئی میں ݙٹھی اے جو ھک مخصوص علاقے اچ بادلاں دے پھٹݨ تے آسمانی بجلی ڈھݨ معلق ݙسایا ڳئے ۔ ڈاکٹر نفیسہ شاہ ضمنی سوال اچ پچھیے جو فیڈرل فلڈ کمیشن واحد ادارہ اے جیڑھا فلڈ کنٹرول انفراسٹرکچر تے کم کریندے ،2021 دی چھل سندھ کوں متاثر کیتا ، فیڈرل فلڈ کمیشن دی تقرری وی حالی نی تھئی ۔ وفاقی وزیر ݙسائے فیڈرل فلڈ کمیشن دے سربراہ دی پوسٹ حالی تئیں حالی اے ، تعیناتی دے حوالے نال یقین ݙوینداں جو متعلقہ حکام تئیں اے معاملہ پڄیساں۔