معصوم شہریاں دی جان و مال دا ضیان کرݨ آلے درندیاں دی قیمت بھرݨی پوسی، وزیراعظم شہباز شریف دا ہرنائی اچ کان کناں دی اموات تے افسوس

اسلام آباد۔14فروری  (اے پی پی) وزیراعظم محمد شہباز شریف بلوچستان دے ضلع ہرنائی دے علاقے شاہرگ اچ کان کناں کوں چا تے ونجݨ آلی ڳاݙی دے نیڑے دھماکے اچ تھیوݨ آلے جانی ضیان تے افسوس کریندیں ہوئیں آکھیا جو معصوم شہریاں دی جان و مال دا ضیان کرݨ آلے درندیاں دی قیمت بھرݨی پوسی۔ جمعے کوں وزیراعظم آفس دے میڈیا ونگ توں جاری بیان موجب وزیراعظم زخمیاں دی جلد صحت یابی کیتے دعا کیتی۔ وزیراعظم آکھیا جو نہتے اتے معصوم شہریاں دی جان تے مال دا ضیان کرݨ آلیاں کوں قیمت بھرݨی پوسی۔