اسلام آباد۔18فروری (اے پی پی) وزیراعظم محمد شہباز شریف وفاقی دارالحکومت اچ رجب طیب ایردوان انٹرچینج ٹریفک کیتے کھولݨ دا افتتاح کر ݙتے اتے آکھیا جو رجب طیب ایردوان انٹرچینج نال جاڑے شہراں دے لوکاں کوں سہولت تھیسی۔ جناح سکوائر دے بعد ہک ٻیا شاندار عوامی منصوبہ توڑ پج ڳئے، وفاقی دارالحکومت کوں سوھݨا ٻݨاوݨ کیتے ٻئے منصوبے وی توڑ پڄسن۔ اے ڳالھیں انہاں منگل کوں رجب طیب ایردوان (ایف ایٹ اسلام آباد) انٹرچینج ٹریفک کیتے کھولݨ دی تقریب توں خطاب کریندیں ہوئیں آکھی۔ ایں موقع تے وزیر داخلہ محسن نقوی، ارکان قومی اسمبلی طارق فضل چوہدری، محمد حنیف عباسی اتے پاکستان اچ ترکیہ دے سفیر عرفان نذیر اوغلو وی موجود ہن۔ وزیراعظم آکھیا جو جناح سکوائر دے بعد ہک ٻیا شاندار عوامی منصوبہ توڑ پج ڳئے، وفاقی دارالحکومت کوں سوھݨا ٻݨاوݨ کیتے ٻئے منصوبے وی توڑ پڄسن۔وزیر داخلہ ، چیئرمین سی ڈی اے محمد علی رندھاوا اتے منصوبہ نال جڑیے ٻئے لوکاں کوں محسن نقوی سپیڈ دی مبارخ ݙینداں۔ انہاں آکھیا جو وفاقی دارالحکومت اچ ترقیاتی کم ݙیکھ تے خوشی تھیندی پئی اے۔ 84 ݙینھ اچ ڳھٹ لاگت اچ اے منصوبہ پورا کیتا ڳئے۔ ترکیہ صدر دے آوݨ تے اسلام آباد کون سوھݨا کر تے سڄایا ڳئیا ہئی۔ انہاں کوں سنیھا ݙیسوں جو پاکستان اتے ترکیہ برادر ملک اتے دوست ہن۔ تقریب توں خطاب کریندیں ہوئیں وزیرداخلہ محسن نقوی آکھیا جو ایں منصوبے کوں مختص رقم توں وی ڳھٹ لاگت اتے ریکارڈ مد اچ پورا کیتا ڳئے۔ چیئرمین سی ڈی اے بریفنگ ݙیندیں ہوئیں آکھیا جو منصوبے دا دورانیہ 180 ݙینھ رکھیا ڳئیا ہئی جدانجو اینکو 84 ݙینھ اچ پورا کیتا ڳئے۔ ایں منصوبے نال سیکٹر جی ایٹ، جی نائن، کشمیر ہائی وے اتے سینٹورس مال آوݨ آضے شہری فیدہ چیسن۔
