اسلام آباد۔18فروری(اے پی پی)وفاقی وزیر خزانہ ومحصولات سینیٹر محمد اورنگزیب تولیے دی صنعت دے مسلیاں دے حل کیتے ٻݨائی ڳئی کمیٹی دے اجلاس دی صدارت کیتی۔ اجلاس اچ وزیر تجارت جام کمال خان، وزارت تجارت دے سپیشل سیکرٹری، خزانہ ڈویژن، ایف بی آر اتے سٹیٹ بینک آف پاکستان دے سینئر افسران دے علاوہ صنعت دے نمائنداں شرکت کیتی۔ اجلاس اچ تولیے دی صنعت دے نمائنداں ایں شعبے دی اہمیت، معاشی کردار اتے مختلف چیلنجز تے بریفنگ ݙتی ڳئی۔ ٹاول مینوفیکچررز ایسوسی ایشن (TMA) 200 کمپنیاں دی نمائندگی کریندی اے اتے پاکستان دی معیشت اچ 1.77 ارب ڈالر دا حصہ پیندی اے۔ صنعت دے نمائنداں شفاف ٹیکس گائیڈ لائنز، مسابقتی ٹیکس پالیسی اتے طویل مدتی پالیسی استحکام تے زور ݙتے۔ وزیر خزانہ یقین ݙیوایا جو تولیے دی صنعت دے مسلے ترجیحی حل کیتے ویسن، حکومت معیشت اچ برآمدات دی مستحکم ترقی سانڳے پرعزم اے، ایں سانڳے نجی شعبے دی پوری حوصلہ افزائی کیتی ویسی۔
