اسلام آباد۔19فروری(اے پی پی)وزیر اعظم محمد شہباز شریف چیف جسٹس آف پاکستان یحیی آفریدی نال چیف جسٹس ہائوس اسلام آباد اچ ملین۔ انہاں ملکی معاشی صورتحال اتے اقتصادی و سکیورٹی چیلنجز تے الایا اتے چیف جسٹس کوں ذمہ داریاں سنبھالݨ تے مبارک ݙتی۔ وزیر اعظم چیف جسٹس دے جنوبی پنجاب، اندرون سندھ، بلوچستان اتے خیبر پختونخوا دے دور دراز علاقیاں دا دورہ کرݨ اتے ملک اچ انصاف دی موثر فراہمی کیتے سارے فریقاں نال مشاورت دی تعریف کیتی۔ وزیر اعظم ملک دیاں مختلف عدالتاں اچ وݙے عرصے توں زیر التواء ٹیکس تنازعات دا ݙسایا اتے چیف جسٹس نال انہاں کیسز اچ میرٹ تے تیکھے فیصلے کرݨ دا آکھیے۔ چیف جسٹس وزیر اعظم کولو نظام انصاف اچ بہتری دیان تجویزاں منڳین۔ وزیر اعظم چیف جسٹس کوں لاپتہ افراد بارے موثر اقدامات اچ تیزی ڳھن آوݨ دا یقین ݙیوائے۔ ملاقات اچ وفاقی وزیر قانون و انصاف اعظم نذیر تارڑ، وزیر اقتصادی امور احد خان چیمہ، اٹارنی جنرل منصور عثمان اعوان، رجسٹرار سپریم کورٹ محمد سلیم خان، سیکرٹری لاء اینڈ جسٹس کمیشن آف پاکستان تنزیلہ صباحت وی موجود ہن۔
