اسلام آباد۔20فروری(اے پی پی)وزیراعظم محمد شہباز شریف آندے 5 سال اچ ملکی برآمدات 60 بلین ڈالر تئیں ڳھن ونڄݨ کیتے جامع اتے مؤثر حکمت عملی ٻݨاوݨ، معیشت دی ترقی اتے برآمدات ودھاوݨ سانڳے معاشی ٹیم کوں ٹیرف نظام اچ پائیدار اصلاحات متعارف کراوݨ اتے برآمدات ودھاوݨ کیتے سروسز، آئی ٹی اتے زراعت دے شعبیاں تے خصوصی توجہ ݙیوݨ دی ہدایت کیتی۔ او اسلام آباد اچ ملکی برآمدات ودھاوݨ کتیے اقدامات بارے جائزہ اجلاس دی اڳواݨی کریندے پئے ہن۔ وزیراعظم ملکی برآمدات 60 بلین ڈالر تئیں ڳھن ونڄݨ کیتے جامع حکمت عملی دی ہدایت کیتی اتے معیشت کوں تکڑا کرݨ کیتے معاشی ٹیم کوں ٹیرف نظام اچ پائیدار اصلاحات متعارف کراوݨ دا آکھیے۔ وزیراعظم برآمدات ودھاوݨ کیتے سروسز، آئی ٹی و زراعت دے شعبیاں کوں خصوصی توجہ ݙیوݨ دی ہدایت کیتی اتے آکھیا جو برآمدی صنعتاں دی ترقی کیتے ایکسپورٹ ڈویلپمنٹ فنڈ دے گورننس نظام اچ ضروری اصلاحات کیتاں ونڄن۔ اجلاس اچ وزارت تجارت اچ اصلاحات اتے آندے 5 سال اچ برآمدات دا ہدف 60 بلین ڈالر تے ڳھن ونڄݨ سانڳے اقدامات تے بریفنگ ݙتی گئی۔ ݙسایا ڳیا جو پاکستان دی برآمدی صنعتاں دی استعداد ودھاوݨ اتے تربیتی پروگرام ٻݨاعے ویسن۔ اجلاس اچ وفاقی وزیر تجارت جام کمال خان، وزیر اقتصادی امور احد خان چیمہ، وزیر خزانہ محمد اورنگزیب، چیئرمین ایف بی آر راشد محمود لنگڑیال اتے متعلقہ اداریاں دے اعلیٰ افسران شریک ہن
