ملتان۔ 21 فروری (اے پی پی) ملتان اچ پتھراں نال لݙیا ٹرالا گھر تے الٹ ڳئیا، پیو، پتر اتے دھی جاں بحق تھی ڳئے۔ ریسکیو 1122 موجب اے حادثہ جمعے کوں وستی گلابی موضع ٹاٹے پور اچ ریلوے پھاٹک دے نیڑے تھیا جتھ جیک نال پتھر لہیندیں ہوئیں ٹرالا توازن وڳڑݨ پاروں نیڑے دے گھر تے ݙہہ پئیا جئیں پاروں گھر اچ موجود 40 سالہ اسلم ،اوندا 17 سالہ پتر مزمل اتے 15 سالہ دھی فاطمہ پتھراں اتے ملبے تلوں دب تے جاں بحق تھی ڳئے۔ ریسکیو دی ٹیم حادثے دی اطلاع ملݨ تے فوری موقع تے پڄ تے امدادی کاروائی دے بعد نعشاں کوں ملبے توں کݙھیا۔ نعشاں کوں پولیس کاروائی دے بعد نشتر ہسپتال پڄا ݙتا ڳئے۔ متعلقہ پولیس حادثہ دا مقدمہ درج کرتے ٻئی تحقیقات شروع کر ݙتی اے۔
