اسلام آباد۔23فروری (اے پی پی) وفاقی وزیر تجارت جام کمال خان آکھیا جو وزیراعظم محمد شہباز شریف دے دورہ آذربائیجان نال آپسی تعاون اتے ترقی دے نویں راہ کھلسن، معاشی تعاون اتے سرمایہ کاری ودھاوݨ حکومت دی ترجیح اے، آذربائیجان نال مختلف شعبیاں اچ تعاون ودھیندے پئیوں۔ باکو توں پی ٹی وی نیوز نال ڳالھ مہاڑ کریندیں ہوئیں انہاں آکھیا جو وزیراعظم شہباز شریف آذربائیجان نال سارے شعبیاں اچ تعاون ودھاوݨ چاہندن۔ انہاں آکھیا جو وزیراعظم شہبازشریف دا آذربائیجان دا دورہ اہمیت رکھیندے۔ وزیراعظم محمد شہباز شریف دے دورہ آذربائیجان نال آپسی تعاون اتے ترقی دے نویں راہ کھلسن۔انہاں آکھیا جو پاکستان توں 85کمپنیاں بزنس فورم اچ شریک تھیندی پئن۔ ݙوہیں ملکاں دی 150 توں ودھ کمپنیاں دے وفود فورم اچ شریک ہن۔
