لاہور۔23فروری (اے پی پی) وزیرِ اعظم شہباز شریف آذربا ئیجان دے ݙو ݙینھ دے سرکاری دورے تے روانہ تھی ڳئے۔ وزیر اعظم آفس دے پریس ونگ توں جاری بیان موجب، آذربائیجان دے صدر الہام علیوف دی دعوت تے وزیراعظم محمد شہباز شریف 24 توں 25 فروری 2025 تئیں جمہوریہ آذربائیجان دا ݙو ݙینھ دا سرکاری دورہ کریسن۔ وزیر اعظم شہباز شریف دا مارچ 2024 اچ وزارت عظمی دا منصب سنبھالݨ دے بعد آذربائیجان دا اے ݙوجھا دورہ اے۔ نائب وزیر اعظم تے وزیر خارجہ محمد اسحاق ڈار، وفاقی وزرا جام کمال خان، عبدالعلیم خان، چوہدری سالک حسین، عطا اللہ تارڑ اتے معاون خصوصی طارق فاطمی وی وزیراعظم دے نال ہن۔ دورے اچ وزیرِ اعظم، آذربائیجان دے صدر نال ݙوپاسہ ملاقات دے علاوہ بزنس فورم توں خطاب وی کریسن۔ ایں دورے اچ ݙوہیں ملکاں وچال تعاون دے کئی شعبیاں اچ مفاہمتی یادداشتاں تے معاہدیاں تے دستخط کیتے ویسن۔
