نینگر قیمتی اثاثہ ہن، ملکی ترقی اچ انہاں دے کردار کوں بھلایا نی ونڄ سڳدا، دہشت گردی دے خاتمے کیتے پرعزم ہیسے، عطااللہ تارڑ

لاہور۔23فروری  (اے پی پی) وفاقی وزیر اطلاعات، نشریات، قومی ورثہ تے ثقافت عطااللہ تارڑ آکھیا جو نینگر قیمتی اثاثہ ہن، ملکی ترقی اچ انہاں دے کردار کوں بھلایا نی ونڄ سڳدا، دہشت گردی دے خاتمے کیتے پرعزم ہیسے۔ دہشت گرداں دا کوئی مذہب نی ہوندا، سانحہ اے پی ایس پشاور اچ نشوم اتے بے گناہ طلبا کوں شہید کیتا ڳئیا۔ ایں واقعے دے بعد آپریشن ضرب عضب اتے آپریشن ردالفساد شروع کیتا ڳئیا پر بعد اچ ایجھی حکومت آئی جئیں طالبان کوں سپورٹ کیتا اتے واپس وسایا۔ نہتے لوکاں کوں مارݨ آلے دہشت گرد ہوندن۔ دہشت گردی دے خاتمے کیتے پرعزم ہیسے۔ فیک نیوز دے چیلنج نال نبڑݨ کیتے اجتماعی اقدامات دی لوڑھ اے۔ بلدیاتی نظام دے بغیر ترقی نی تھی سڳدی۔ اے ڳالھیں انہاں آݙت وار کوں ایوان اقبال اچ یوتھ کانفرنس اچ سوال و جواب دی نشست توں خطاب کریندیں ہوئیں آکھی۔ ایں موقع تے صدر یوتھ جنرل اسمبلی فہد شہباز وڑائچ اتے سینئر صحافی فرخ شہباز وڑائچ سودے مختلف تعلیمی اداریاں دے طلبا تے طالبات دی وݙی تعداد موجود ہئی۔ وفاقی وزیر اطلاعات عطااللہ تارڑآکھیاجو ݙو قومی نظریہ ہک حقیقت اے، نینگر ملک دی اچ تاریخ اے، اینکوں بھلݨا نی چاہیدا۔ اساݙی سٹھ فیصد آبادی 30 سال توں ڳھٹ عمر دے نینگراں دی اے۔ اے پاکستان دا مستقبل ہن۔ عطااللہ تارڑ آکھیاجو غزہ، فلسطین اتےکشمیر اچ ظلم دا ناں ڳھنوں دا چپ لڳ ویندی اے۔ پیکا قانون بارے انہاں آکھیا جو ایں تے اعتراضات ہن تاں ڳالھ تھی سڳدی اے۔ لوکل گورنمنٹ بارے ہک سوال تے انہاں آکھیا جو لوکل گورنمنٹ دے بغیر اے ملک نی چل سڳدا۔