اسلام آباد۔24فروری (اے پی پی) وفاقی وزیر خزانہ تے سینیٹر محمد اورنگزیب آکھیا جو حکومت پائیدار ترقی کیتے بنیادی اصلاحات دے ایجنڈے تے عمل کریندی پئی اے۔ سنوار کوں پاکستان بینکنگ سمٹ 2025ء توں خطاب کریندیں ہوئیں وزیر خزانہ محمد اورنگزیب آکھیا جو پاکستان بینکنگ سمٹ 2025 تھیوݨ اہمیت رکھیندے، بینکنگ سیکٹر دا قومی معیشت اچ اہم کردار اے، بینکنگ سیکٹر ٹیکس ادائیگی اچ تیل تے گیس دے شعبے کوں پچھوں چھوڑݙتے، اساں حکومت کوں 30 ارب روپے جمع کرتے ݙتن۔ انہاں آکھیا جو بینکنگ سیکٹر ملک اچ دستاویزی معیشت دے فارمولے تے کم کریندے، ملکی معیشت بہتری آلے پاسے ویندی پئی اے۔ حکومت پائیدار ترقی کیتے بنیادی اصلاحات دے ایجنڈے تے عمل کریندی پئی اے۔ آندا بجٹ ٻݨاوݨ بارے مشاورتی عمل جاری اے۔ حکومت خرچے ڳھٹ کرݨ کیتے رائٹ سائزنگ پالیسی تے عمل کریندی پئی اے۔ وفاقی وزیر خزانہ محمد اورنگزیب پاکستان بینکنگ سمٹ توں خطاب کریندیں ہوئیں آکھیا جو حکومت کاروباری چلاوݨ نال نجی شعبے کوں پالیسیاں ݙیوے۔ وزیرخزانہ آکھیا جو مقامی سرمایہ کاری امسی تاں ایف ڈی آئی امسی، عالمی کیپٹل مارکیٹس دی اگر دی اگر ڳالھ کیتی ونڄے تاں ریٹنگ ایجنسیاں نال ڳالھ تھئی اے۔ اساکوں امید اے جو سنگل ڈی کیٹگری اچ آویسوں۔
