لکھنو۔26فروری (اے پی پی) بھارتی ریاست اتر پردیش دے ضلع جونپوراچ حجاب پاوݨ آلی تقریباً 10 مسلم چھوہریں کوں ݙاہویں جماعت دے امتحان اچ شامل تھیوݨ دی موکل نی ݙتی ڳئی۔ کشمیر میڈیا سروس موجب چھوہریں کوں سروودیا انٹر کالج اچ امتحان ݙیوݨ توں روک ݙتا ڳئے۔ ہک طالبہ میڈیا کوں ݙسیا جو جئیں ویلھے او کیپمس اچ آئی تاں انہاں نال بدتمیزی کیتی ڳئی اتے حجاب لہاوݨ دا آکھیا ڳئیا۔ اساں حجاب لہاوݨ توں انکار کیتاتاں اساکوں آکھیا ڳئیا جو اساں ڳالھ نہ منی تاں امتحان اچ ٻہݨ دی موکل نہ ݙتی ویسی۔ اساں والدین دے رلے ایں معاملے تے پرنسپل کوں ڳالھ کیتی پر اساݙی نہ سݨی ڳئی۔
