اسلام آباد۔27فروری(اے پی پی)وفاقی وزیر پاور ڈویژن سردار اویس احمد خان لغاری نال ایس کے ہائیڈرو (سوکی کناری) دے وفد ملاقات کیتی اے۔ وفد 884 میگاواٹ صلاحیت دے ایس کے ہائیڈرو پروجیکٹ تے بریفنگ ݙتی ڄیڑھا پاکستان دے سب توں وݙے ہائیڈرو پاور پلانٹس اچ ہک اے۔ وفد پاکستان نال پاور سیکٹر اچ تکنیکی مہارت دے تبادلے اتے مزید گرڈ ٹیکنالوجی سانڳے مشاورتی خدمات اتے جدید میٹرنگ انفراسٹرکچر ݙیوݨ دی پیشکش کیتی۔ وفاقی وزیر اویس لغاری پاور سسٹم اچ سمارٹ میٹرز لاوݨ دے حکومتی منصوبیاں دا ݙسایا اتے وفد کوں ایں شعبے اچ سرمایہ کاری دی دعوت ݙتی۔
