اسلام آباد۔4مارچ (اے پی پی) انٹرنیشنل کرکٹ کونسل ولوں آئی سی سی چیمپئنز ٹرافی دا نانواں ایڈیشن پاکستان اچ جاری اے۔ آئی سی سی چیمپئنز ٹرافی دا ݙوجھا سیمی فائنل نیوزی لینڈ اتے جنوبی افریقا دی ٹیماں وچال بدھ کوں قذافی سٹیڈیم ، لاہور اچ کھیݙیا ویسی۔ نیوزی لینڈ دی ٹیم کوں مایہ ناز فاسٹ بائولر مچل سینٹنر لیڈ کریسن جڈانجو جنوبی افریقہ دی ٹیم مایہ ناز بلے باز ٹیمبا بووما دی قیادت اچ میدان اچ لہسی۔ اے میچ ڈے اینڈ نائٹ ہوسی اتے پاکستان دے معیاری ویلھے دے مطابق ݙینھ ݙو وڄے شروع تھیسی۔ ݙو فائنلسٹ ٹیماں وچال آئی سی سی چیمپئنز ٹرافی دا فائنل میچ 9 مارچ کوں کھیڈیا ویسی۔
