ملتان۔ 06 مارچ (اے پی پی) سرائیکی اجرک ڈے دی مناسبت نال سپیشل سیکریٹری صحت محمد شہباز حسین دی خصوصی ہدایات تے انہاں دے دفتر اچ تقریب رکھی ڳئی۔ تقریب اچ ایڈیشنل سیکریٹری ایڈمن شاہد عباس جوئیہ، ڈپٹی سیکریٹریز شیخ محمد طاہر، سجاد حسنین، صابر حسین ٻئے سینئر افسر اتے ملازمین شریک تھیے۔ ایں موقع تے شرکاء کوں سرائکی اجرک پوائی ڳئی۔ سرائیکی اجرک ڈے دی مناسبت نال سپیشل سیکریٹری محمد شہباز حسین دفتر امور وی سرائیکی اجرک پاتے نبھائے۔ ایں موقع تے ڳالھ مہاڑ کریندیں ہوئیں سپیشل سیکریٹری محمد شہباز حسین آکھیا جو ثقافت کوں یاد رکھݨ اتے پروان چڑھاوݨ زندہ قوماں دا شیوہ ہوندے۔ سرائیکی ثقافت ہر دلعزیز اتے زرخیز رنگاں نال مزین ثقافت اے۔ سرائیکی وسیب دے لوک زندہ دل، ہمدرد اتے مزمان نواز ہن۔ انہاں آکھیا جو جنوبی پنجاب خطہ دے لوکاں دی خدمت کرݨ میݙے کیتے اعزاز اے۔
