کرائسٹ چرچ۔14مارچ (اے پی پی) نیوزی لینڈ اتے پاکستان دی کرکٹ ٹیماں وچال پںج ٹی ٹونٹی میچاں دی سیریز 16 مارچ کوں پہلے میچ نال شروع تھیسی جیڑھا جو ہیگلے اوول، کرائسٹ چرچ اچ کھیݙیا ویسی۔ پاکستان دی ٹیم نیوزی لینڈ دے دورے تے اے جتھ او میزبان ٹیم دے خلاف پنڄ ٹی ٹونٹی اتے ترائے ہک روزہ بین الاقوامی میچاں دی سیریز کھیݙیسی۔ پاکستان ٹیم دی قیادت سلمان آغا کریسن جڈانجو نیوزی لینڈ دی ٹیم مائیکل بریسویل دی قیادت اچ کھیݙسی۔ ݙوہیں ٹیماں وچال پںج ٹی ٹونٹی میچاں دی سیریز دا ݙوجھا میچ 18 مارچ کوں یونیورسٹی اوول، ڈونیڈن،تریجھا ٹی ٹونٹی میچ 21 مارچ کوں ایڈن پارک،آکلینڈ،چوتھا ٹی ٹونٹی میچ 23مارچ کوں بے اوول، ماؤنٹ مونگانوئی جڈانجو پنڄواں تے چھیکڑی ٹی ٹونٹی میچ 26 مارچ کوں سکائی سٹیڈیم،ویلنگٹن اچ کھیݙیا ویسی۔
