اسلام آباد۔19مارچ(اے پی پی)وفاقی وزیر بحری امور محمد جنید انوار چوہدری نال ہچیسن پورٹ ہولڈنگز لمیٹڈ دے منیجنگ ڈائریکٹر اینڈی چوئی ملین۔ انہاں پاکستان دے بندرگاہی بنیادی ڈھانچے دی بہتری کیتے پہلے توں مجوزہ ہک ارب ڈالر دی سرمایہ کاری دے تیز تر نفاذ تے ڳالھ مہاڑ کیتی۔ ملاقات اچ انتظامی منظوریاں، بنیادی ڈھانچے دی بہتری اتے منصوبے اچ رکاوٹاں دے حل تے الایا ڳیا۔ اے منصوبہ کراچی انٹرنیشنل کنٹینر ٹرمینل اتے ساؤتھ ایشیا پاکستان ٹرمینلز لمیٹڈ دی جدت دا اے جیندے اچ ڈیجیٹلائزیشن، خودکار نظام اتے ماحول دوست اقدامات شامل ہین۔ فریقین ایں منصوبے تے تیزی نال عملدرآمد سانڳے ہک مشترکہ ورکنگ گروپ ٻݨاوݨ تے اتفاق کیتے۔
