اسلام آباد۔19مارچ(اے پی پی)وزیراعظم شہباز شریف 4 ݙینھ دے سرکاری دورے تے پاکستانی وفد دے کٹھے جدہ پڄ ڳن جتھاں گورنر جدہ شہزادہ سعود بن عبداللہ بن جلاوی اتے پاکستانی سفیر احمد فاروق جدہ ایئرپورٹ تے انہاں دا شاندار استقبال کیتے۔ وزیراعظم 19 توں 22 مارچ تئیں سعودی عرب اچ اہم ملاقاتاں کریسن۔ ایں دورے دا مقصد ݙو طرفہ تعلقات تکڑے کرݨ، معاشی تعاون ودھاوݨ اتے ݙوہاں ملکاں وچال سرمایہ کاری ودھاوݨ اے۔ نائب وزیراعظم و وزیر خارجہ سینیٹر اسحاق ڈار، وزیر اعلیٰ پنجاب مریم نواز سودھا اہم وفاقی وزرا اتے اعلیٰ حکام وزیراعظم دے نال جدہ پڄین۔ وزیراعظم سعودی ولی عہد اتے وزیر اعظم محمد بن سلمان نال ملسن۔ او تجارت، اہم شعبیاں اچ شراکت داری اتے وسیع تر اقتصادی تعاون تے ڳالھ مہاڑ سودھا غزہ دی صورت حال، مشرق وسطیٰ اچ آوݨ آلیاں تبدیلیاں اتے امت مسلمہ دے مسلیاں تے وی الیسن۔
