غزہ۔20مارچ (اے پی پی) غزہ دی پٹی دے رہائشی علاقیاں اچ خمیس دی سویل اسرائیلی فضائی حملیاں اچ ٻئے 71 فلسطینی شہید، درجناں زخمی تھی ڳئے۔ شنہوادے مطابق غزہ اچ شہری دفاع دے ترجمان محمود بسال ݙسیا جو اسرائیل خمیس دی سویل فضائی حملے اچ خان یونس دے مشرق اچ بنی سہیلہ، اباسان الکبیرہ اتے الفخاری دے علاوہ جنوب اچ رفح اتے شمال اچ غزہ شہر اتے بیت لٰہیہ سودھے کئی علاقیاں کوں نشانہ ٻݨایا جئیں اچ 71 فلسطینی شہید تھی ڳئے۔ سکیورٹی ذرائع اتے مقامی عینی شاہدین ݙسیا جو اسرائیلی فضائی حملیاں اچ 19 مکان پورے تباہ تھی ڳئن اتے ایندے نال نال بے گھر لوکاں کوں پناہ ݙیوݨ آلے خیمے، امدادی گودام اتے مسیتاں وی تباہ تھین۔
